HAVA YOLU YÜKDAŞIMALARI
Müasir bazarların aşırı qloballaşması xidmətlərin sürətli, təhlükəsiz və dəyişkənliyə uyğunlaşan olmasını tələb edir. Bu baxımdan, hava yolu yük daşımaları, xidmət dərəcələrinin yüksək olmasına baxmayaraq, ən sürətli və çevik nəqliyyat vasitəsi sayılır. Malların daşınmasında operativlik müəyyənedici faktora çevriləndə, aviadaşımalar vaxta qənaət mövzusunda ən etibarlı daşıma növü hesab olunur.
Cədvəldən kənar təxir olsa belə, avia reyslər mütəmadi olduğu üçün gecikmələr qısa vaxtda aradan qaldırılır. Yüklərin hava nəqliyyatı ilə daşınması, eyni zamanda, müxtəlif coğrafi şəraitə malik şəhərlərin, regionların və ölkələrin yük qəbulu prosesini bir xeyli asanlaşdırır.
Beləliklə, beynəlxalq daşıma qaydaları çərçivəsində, istənilən növ və həcmdə olan malların təhlükəsiz şəraitdə daşınması üçün yaratdığımız qlobal şəbəkə daxilində, biz, müştərilərimizə hava yolu yük daşıması sahəsində çevik və operativ xidmətlər təklif edirik.
Hava yolu yükdaşımalarına aşağıdakılar daxildir::
• Birbaşa Uçuş- Yükləriniz növbəti mövcud reysdə sifariş olunur. Bu, ən bahalı və ən sürətli avia göndəriş üsuludur və buna görə də tələbat yüksəkdir. O səbəbdən, böyük tutumlu yüklərə adekvat yer verilməsi ehtimalı yüksək deyildir.
• Çarter reysləri- Çox dəyərli və böyük həcmli yüklərin daşınması üçün xüsusi reyslərin təşkil edilməsi mümkündür. Bu zaman təyyarə, müştərinin xüsusi sifarişi əsasında, iri layihələrin təşkili zamanı bütünlüklə və ya qismən “kirayə” edilir.
• Tranzit Uçuşlar- Belə uçuşlar daha ucuz başa gəlsə də, tranzit müddətlərində müəyyən ləngimələrin olması ehtimalı var. Bu növ hava daşımalarına, adətən, növbəti uyğun uçuşla göndərişi mümkün olan, az dəyərli və xarab olmayan yüklər uyğundur.
Hava yolu ilə daşınan yüklərin növləri
Standart yüklərlə yanaşı, biz hava nəqliyyatı vasitəsilə aşağıda sadalanan xüsusi növ yüklərin daşınması ilə də məşğuluq:
- tezkorlanan və temperaturuna xüsusi nəzarət edilən yüklər
- təhlükəli yüklər
- tez sınan və zərif mallar
- nəqliyyat vasitələri və hissələri
Hava yolu ilə daşınan yüklərin ölçüləri
Hava nəqliyyatı vasitəsilə daşınan yüklərin ölçüləri
Hava nəqliyyatı vasitəsilə yük daşımaları sahəsində əldə etdiyimiz geniş təcrübə bizə müxtəlif ölçülərdə yükləri sürətli və etibarlı şəkildə daşımağa imkan verir.
Bununla belə, beynəlxalq hava nəqliyyatı yük daşımaları üzrə qəbul edilmiş qaydaları çərçivəsində daşınan yüklərin ölçüsünə və çəkisinə qoyulan məhdudiyyətlər qaçılmazdır.